【肉類蛋白質終極對決】豬、牛、雞、鴨、魚、鹿、兔⋯⋯誰才是您毛孩的「本命肉」？—— 深度貓狗膳食營養剖析
- 3天前
- 讀畢需時 10 分鐘
引言：超越口味，進入營養學的選擇維度
「我的狗狗／貓貓最喜歡吃雞肉，我是不是應該只給牠吃雞肉？」
這大概是我們收到過最頻繁，也是最關鍵的問題之一。作為一個充滿愛心的主人，您總想給予摯愛最好的。但最好的定義，遠不止於「口味偏好」。
今天，我們將帶您潛入一個更深層次的科學世界，我們將從現代營養學的蛋白質研究「氨基酸與脂肪酸結構」，到中醫貓狗食療的「性味歸經」，再到微量元素的「機能性差異」，為您深度剖析主流肉類與多種「新穎蛋白」的獨特機能，並最終提供一套科學的「肉類輪換」戰略。
這篇文章，為貓狗選擇蛋白質？這篇文的深入研究，將徹底改變您對「選肉」這件事的認知。
最完整解構肉類選擇的核心標準——氨基酸評分、生物價
客觀分析哪一些是最適合貓狗的蛋白質（氨基酸評分）
在我們開始比較之前，必須先建立一個共識：並非所有蛋白質，生而平等。
我們真正追求的，是「生物價 (Biological Value, BV)」，即身體能多大程度上吸收、利用這種蛋白質。在這方面，雞蛋(BV=100)是黃金標準，而優質的動物蛋白，遠勝植物蛋白。
肉類 | 生物價 (BV) 約值 | 主要優勢氨基酸 | 戰略價值 |
雞肉 | ~80 | 支鏈氨基酸(BCAAs) | 肌肉生長與修復 |
牛肉 | ~75 | 肌酸 (Creatine), 鐵 | 爆發力能量與補血 |
魚肉 | ~76 | 牛磺酸 (Taurine) | 心臟與視網膜守護 |
鴨肉 | ~75 | 色氨酸 (Tryptophan) | 神經系統快樂因子 |
豬肉 | ~74 | 硫胺素 (Thiamine, B1) | 【戰略級不推薦】 |
1. 雞肉 (Chicken)：貓狗溫和脾胃守護
微觀營養學剖析：
蛋白質結構： 雞肉肌纖維較短，結締組織少，因此極易被犬貓嘅消化酶分解，生物利用率極高！其支鏈氨基酸（BCAAs：亮氨酸、異亮氨酸、纈氨酸）含量豐富，呢啲係少數可以喺肌肉中直接被利用作為能量嘅氨基酸，對維持肌肉量、促進術後恢復有決定性作用。
脂肪酸組成： 雞胸肉嘅脂肪含量可低至3-5%，其中不飽和脂肪酸佔比高，對需要體重管理或有胰臟炎風險嘅寵物極為友好。
關鍵微量元素 (每100g去皮雞胸肉約值)：
煙酸 (Niacin, B3): ~11 mg (對能量代謝同神經功能極為重要)
維生素B6: ~0.6 mg (參與超過100種酶反應)
磷 (Phosphorus): ~228 mg (需注意鈣磷平衡)
硒 (Selenium): ~25.5 mcg (強效抗氧化劑，保護細胞免受損傷)
中醫食療分析：
性味歸經： 性平、味甘，入脾、胃經。
功效： 溫中益氣、補精添髓。對於脾胃虛弱、消化不良、病後初癒嘅犬貓，雞肉係最溫和、最唔容易出錯嘅「固本培元」之選。
應用： 最適合做為核心基礎蛋白，特別適用於腸胃敏感、幼年、老年及術後康復期嘅寵物。
2. 鴨肉 (Duck)：涼潤神經安撫
微觀營養學剖析：
蛋白質結構： 富含色氨酸 (Tryptophan)，係體內合成血清素（快樂荷爾蒙）同褪黑激素（睡眠荷爾蒙）嘅重要前體。對於有焦慮、緊張問題嘅寵物，鴨肉可以從生化層面起到安撫作用。
脂肪酸組成： 鴨脂肪係一個寶庫！佢嘅油酸 (Oleic Acid, Omega-9)含量極高，結構類似橄欖油，被證實有助於降低壞膽固醇，保護心血管。
關鍵微量元素 (每100g鴨肉約值)：
鐵 (Iron): ~2.7 mg (高於雞肉，有助補血)
銅 (Copper): ~0.2 mg (神經傳導同骨骼健康所需)
維生素B5 (泛酸): ~1.5 mg (壓力荷爾蒙合成所需)
中醫食療分析：
性味歸經： 性涼、味甘、鹹，入肺、腎經。
功效： 滋陰補虛、利水消腫。對於體質燥熱、有皮膚過敏（異位性皮膚炎）、或因「上火」而引發神經焦慮嘅寵物，鴨肉係絕佳的「滋陰降火」之選。
應用： 可作為核心蛋白及機能性輪換蛋白，特別針對有皮膚問題、過敏體質、焦慮或癲癇傾向嘅寵物。
3. 牛肉 (Beef)：溫補的氣血補助
微觀營養學剖析：
蛋白質結構： 富含肌酸 (Creatine)，能喺肌肉中快速再合成ATP，為短時間嘅爆發力提供能量。
脂肪酸組成： 飽和脂肪比例相對較高，能提供充足熱量，但對於需要控制體重或血脂嘅寵物需謹慎。
關鍵微量元素 (每100g瘦牛肉約值)：
鐵 (Iron): ~2.6 mg (其中大部分係極易被吸收嘅「血紅素鐵」)
鋅 (Zinc): ~6.4 mg (遠超其他肉類，對免疫、傷口癒合同皮毛健康極為重要)
維生素B12: ~2.5 mcg (神經系統健康同紅血球形成嘅必需品)
中醫食療分析：
性味歸經： 性溫、味甘，入脾、胃經。
功效： 補中益氣、滋養脾胃、強健筋骨。對於氣血虧虛、身體瘦弱、貧血、術後需要快速恢復體力嘅寵物，牛肉係無可替代嘅「能量泵」。
應用： 最適合做為補充蛋白類型，用於貧血、瘦弱、高運動量或需要增肌嘅犬隻。
4. 魚肉 (Fish - 三文魚/鱈魚)：寒涼的「抗炎消防員」
微觀營養學剖析：
蛋白質結構： 極易消化，特別適合老年或消化功能較弱嘅寵物。
脂肪酸組成： Omega-3 (EPA/DHA) 含量無可匹敵。 每100g野生三文魚，EPA+DHA含量可高達2,500mg。呢個係對抗全身性炎症（關節炎、皮膚炎、腎臟炎）嘅最強武器。科學實證，高劑量EPA能有效抑制COX-2發炎路徑。
鱈魚好還是三文魚好：對於需要體重管理、胰臟炎、或肝臟脂肪代謝有問題的寵物，鱈魚是唯一安全的選擇，當要嚴格限制脂肪攝入時（例如腎病後期併發胰臟炎），鱈魚是無可替代的選擇，對於任何有食物敏感或IBD歷史的寵物，作為白肉魚，鱈魚是公認嘅低致敏性蛋白質，其極高，極度純淨的蛋白質幾乎是獨立存在，冇脂肪負擔。而特別是在支持甲狀腺健康的不二之選，對於有甲狀腺功能低下風險嘅老年犬，鱈魚嘅價值遠超三文魚。豐富嘅的碘和硒能夠從根本上，為老化嘅甲狀腺，提供最重要嘅營養。
關鍵微量元素 (每100g三文魚約值)：
維生素D: ~526 IU (對鈣質吸收同免疫功能有重要作用)
牛磺酸 (Taurine): 含量豐富，對貓尤其重要。
蝦青素 (Astaxanthin): (三文魚獨有) 超級抗氧化劑，保護細胞免受損傷。
中醫食療分析：
性味歸經： 性寒、味甘，入脾、胃、腎經。
功效： 補虛勞、祛濕、暖胃。對於有關節炎、皮膚炎等「熱症」嘅寵物，魚肉係絕佳嘅「清熱抗炎」選擇。
戰略應用總結： 最強嘅功能性食療蛋白，是所有關節炎、皮膚病、腎臟病、心臟病、甚至認知功能障礙寵物餐單中嘅必備元素。
5. 豬肉 (Pork)：滋膩的肉類次選
微觀營養學剖析：
蛋白質結構： 豬肉的氨基酸組成，對於犬貓，並非最優。佢的必需氨基酸（EAA）指數，相對於雞、牛、魚，遜色許多，特別是蛋氨酸同色氨酸含量偏低。這個就是我們為何不推薦豬肉作為核心主食的根本科學原因。
脂肪酸組成： 脂肪含量變化極大，且Omega-6比例偏高，容易促進炎症。
關鍵微量元素 (每100g瘦豬肉約值)：
維生素B1 (硫胺素): ~0.9 mg (對碳水化合物代謝同神經系統功能有益)
中醫食療分析：
性味歸經： 性平、味甘、鹹，入脾、胃、腎經。
功效： 滋陰潤燥。但其性偏「滋膩」，長期服用容易生濕，對於濕熱體質、易有皮膚問題嘅寵物，絕對要避免。
應用： 只可作為極偶爾嘅調劑選擇，絕對不建議作為長期核心主食，因其氨基酸結構並非最優，且容易導致濕熱內蘊。
那麼「新穎蛋白」的客觀審視呢？
是Gimmick？還是真的解決過敏問題？
「新穎蛋白 (Novel Proteins)」，我哋必須要用科學眼光去客觀分析。
鹿肉、兔肉、袋鼠肉，聽起上嚟充滿原始魅力的野味，最大共同優點，就是「新穎肉類」。但優點背後，隱藏住三個極需要警惕的。
相對於被研究了幾十年的雞肉同牛肉，我們對鹿肉、兔肉、袋鼠肉嘅長期營養研究數據，係極度匱乏嘅，缺乏長期世代研究 (long-term generational studies) 的數據，意味住我哋無法100%確定，長期單一食用這類肉類，會不會導致某一些目前還未被發現的微量營養缺乏症，野味的來源，主要分為「野生捕獲」同「農場飼養」，兩者都有巨大風險。您完全無法控制生前接觸的食物，體內可能富集咗環境中嘅重金屬（鉛、鎘、汞），或者食過含有農藥殘留的植物。更重要的是野生動物是寄生蟲（例如旋毛蟲）的天然宿主，即使急凍都未必能100%殺滅所有蟲卵。為了追求商業利益，好多海外野味農場的飼養標準、用藥規範，遠遠沒有傳統雞、牛農場那樣透明、或者受到監管。好難確保鹿或兔，是否有被注射過激素或抗生素。免疫學上，任何蛋白質，只要接觸的時間夠長、頻率夠高，都有可能被免疫系統識別為敵人，從而引發新的過敏。當您嘅寵物，由對雞牛過敏，變成對鹿肉過敏時，您手上的王牌就已經打完。您解決眼前的問題，但可能將自己逼入另外一個無路可退嘅死胡同。因此依賴不斷轉換新穎蛋白，是一種「逃避策略」，而並非「根本解決方案」，真正嘅解決方案，係要調理好寵物過度反應嘅免疫系統本身。（例如針對IBD的活性益生菌、修復大腸黏膜、減低過敏應激反應，也可以嘗試從Fuzzywuzzycare腎臟配方益生菌重根源調理）
但接下來仍然讓我們分析，撇除了來源不明、缺乏世代研究，其蛋白質、脂肪酸和關鍵營養素，又是如何呢？
A. 低敏野味 (Hypoallergenic Game Meats)
這些肉類的最大共同價值，就係新穎，能夠為嚴重食物過敏的寵物，提供一個暫時安全島。
鹿肉 (Venison):
微觀營養學剖析：
蛋白質結構： 氨基酸組成均衡，亮氨酸含量尤其突出，是啟動肌肉蛋白合成(mTOR信號通路)的鑰匙。
脂肪酸組成： 極低脂肪（約2-3%），且Omega-3含量高於一般紅肉，Omega-6:3比例健康。
關鍵微量元素 (每100g鹿肉約值)：
鐵 (Iron): ~4.5 mg (是牛肉的1.5倍以上)
維生素B12: ~3.6 mcg (神經系統的超級燃料)
天然軟骨素： 含量豐富，有助於關節保養。
中醫食療分析： 性溫、味甘，入肝、腎經。有補中益氣、溫補腎陽之效。
應用： 低敏溫補選擇。 特別適合體質虛寒、貧血、或有關節問題嘅過敏犬隻。
兔肉 (Rabbit):
微觀營養學剖析：
蛋白質結構： 蛋白質含量極高（>20%），但脂肪含量比雞胸肉更低（約3-5%），係最精瘦嘅蛋白質來源之一。
脂肪酸組成： 脂肪極低，是優質的能量來源。
關鍵微量元素 (每100g兔肉約值)：
硒 (Selenium): ~15.5 mcg (強效抗氧化劑)
維生素B12: ~7.5 mcg (含量極高)
磷 (Phosphorus): ~280 mg (含量較高，因此鈣磷比嘅平衡係使用兔肉時，必須精密計算嘅關鍵)。
中醫食療分析： 性涼、味甘，入肝、大腸經。有涼血解毒、利腸通便之效。
應用： 低敏涼性選擇。 與鹿肉相反，佢特別適合體質燥熱、有皮膚炎症、需要嚴格控制脂肪嘅過敏寵物。
袋鼠肉 (Kangaroo):
微觀營養學剖析：
蛋白質結構： 高蛋白，且易於消化。
脂肪酸組成： 脂肪含量極低（<2%），低脂紅肉。富含共軛亞麻油酸(CLA)，有助於降低體脂、增強免疫力、甚至有抗癌潛力。
關鍵微量元素 (每100g袋鼠肉約值)：
鐵 (Iron): ~3.2 mg (高於牛肉)
鋅 (Zinc): ~3.0 mg (免疫系統重要元素)
中醫食療分析： 性涼、味甘，入肝、脾經。有滋陰、健脾之效。
應用： 低脂高蛋白選擇， 適用於需要極端體重管理、或患有嚴重高血脂、胰臟炎恢復期嘅寵物。
B.其他新興蛋白質 (Other Emerging Proteins)
鱷魚肉 (Alligator/Crocodile):
微觀營養學剖析： 同樣是低脂低敏。氨基酸結構獨特，富含對呼吸道有益嘅特定肽類。
中醫食療分析： 性平、味甘，入肺、腎經。傳統上用於「止咳平喘、補氣血」。
應用： 「終極排除性飲食」嘅最後防線。 呢個並非日常食材，而係當犬貓對所有常見肉類都過敏時，用嚟進行食物排除試驗嘅診斷工具，或針對特定呼吸道問題嘅食療，絕對不應該成為一個日常嘅健康選擇。
風險剖析： 同樣面對住野味的所有風險。更重要是係，作為一種冷血爬行動物，脂肪酸組成（極高嘅飽和脂肪）同埋氨基酸結構，同哺乳類動物有極大差異。目前完全冇足夠嘅科學證據，去證明長期食用鱷魚肉，對犬貓呢啲哺乳類動物係100%安全同埋有益。
昆蟲蛋白 (Insect Protein - 如黑水虻):
微觀營養學剖析： 一種極具潛力嘅可持續蛋白質。其氨基酸組成完整，富含礦物質，尤其係月桂酸(Lauric Acid)含量高，具有天然嘅抗菌、抗病毒特性。最重要嘅係，佢係一個絕對新穎嘅蛋白，幾乎唔會引起過敏。
中醫食療分析： 性平、味甘。因其獨特來源，更應從現代營養學角度分析其功能性。
應用： 可持續嘅「未來低敏蛋白」。 對於關注環保，同時又需要為寵物尋找低敏食物來源嘅主人，呢個係一個極大膽嘅選擇。昆蟲蛋白是一個好有潛力的概念，但「品控」同「長期影響」呢兩個問題得到解決之前，將佢作為主食，依然係一場賭博。
風險剖析：
幾丁質 (Chitin) 問題： 昆蟲外骨骼主要由幾丁質組成。雖然少量幾丁質可以作為益生元，但大量攝入，對於消化系統敏感嘅寵物，可能會造成消化不良、脹氣，甚至阻礙其他營養素嘅吸收。
重金屬富集風險： 昆蟲會食咩，佢哋身體就會有咩。如果佢哋嘅飼料（例如穀物或廚餘）本身受到重金屬污染，咁呢啲毒素就會喺昆蟲體內被高度富集。
培養肉 (Cultured Meat):
微觀營養學剖析： 理論上的「終極純淨」。喺實驗室中培養，可以做到完全冇激素、冇抗生素、冇寄生蟲。甚至可以根據需要，去設計脂肪酸組成（例如提高Omega-3比例）。
中醫食療分析： 性味歸經：尚待定義。因為佢缺乏咗動物喺自然環境中成長所帶嚟嘅「氣」與「能量」，佢嘅食療屬性係一個全新嘅課題。
應用： 食品科技「終極純淨」願景。 目前仲未普及，但佢代表咗寵物食品嘅一個未來方向——絕對嘅安全同埋可控。培養肉解決了「純淨」的問題，但同時亦都製造咗一個全新「營養缺失」嘅問題。
「培養基」： 要令細胞在實驗室生長，需要一個充滿激素同生長因子嘅「培養基」。呢啲培養基嘅成份是高度嘅商業機密，有沒有潛在嘅殘留風險？目前冇第三方機構監管。
營養不完整性： 培養出的只係「肌肉細胞」。佢完全缺乏來自動物骨骼、內臟、結締組織的微量營養素。因此可以說，呢個係一份極度「偏食」的蛋白質，單獨食用，必然會導致營養失衡。
留言